Warning: "continue" targeting switch is equivalent to "break". Did you mean to use "continue 2"? in /home/schrieverroelof/public_html/wp-includes/pomo/plural-forms.php on line 210
Biografie - Schriever Roelof Keen.

Roelof

Roelof

Biografie. Tiedens mien geboorte in 1964 bleek metien al dat er lichamelijk gezien iets niet in de haak was. Mien bienties waren veul te klein en de underkaant van mien rug was ok niet hielemaol in örder. Sacrale agenesie is de latijnse benaming van mien andoening. Op mien veerde mus ik van de dokters naor revalidatiecentrum “lyndenstein” in het Friese Beetsterzwaag. de mooie en vertouwde tied in mien geboortedörp Möppen was veurbij. Veur de mieste kinder was Lyndenstein gien mooie tied. Ok niet veur mij. De knoeterharde opvoeding daor was niet mals. Ondanks dat het allemaol goed bedoeld was komp het bij kinder hard an. Achterof heb ik an dizze harde leerschoel, in combinatie met de strenge opvoeding van mien olders der allén maor profijt van had. Op de middelbare schoel bin ik in contact kommen met gehandicaptensport. bij de club in Emmen bleek dat ik barste van het talent um hard te rieden met een racekarre. In vakjargon wordt dat ‘wheelen’ nuumt. Ik gruide oet tot ien van de betere atleten van de wereld en heb op de gekste plekken eremetaal wunnen. Niet allén eeuwige roem, maor mien plek in het sociale leven en de liefde van mien leven heb ik te danken an dizze sportieve periode oet mien leven. In mien familie wuur al regelmaotig schreven en ik had ok de drang um mien ervarings as topsporter en gehandicapt ventie op te schrieven. Dit resulteerde in november 2013 tot de oetgave van mien eerste boek, ‘Dikke arms, kleine bienties’. Hierbij moet ik vermelden dat ik het allemaol nooit red had zunder de hulp en co-schriever Leny Hamminga. Deurdat ik lid bin worden van de Drentse schrieversgroep ‘goeie zin’ kreeg ik ok de smaak te pakken um gedichten te maken. Gedichten van een soort die nog niet zo veul maakt wordt in het Drents. Ze bint miest wat ondeugend of zölfs een beetie schunnig, net as ik.

  • Drents schriever en dichter.
  • Sinds 1 september 2015 taolschulte van de gemiente Emmen.
  • Lid van de Drentse schrieverskring Goeie Zin.