Warning: "continue" targeting switch is equivalent to "break". Did you mean to use "continue 2"? in /home/schrieverroelof/public_html/wp-includes/pomo/plural-forms.php on line 210
Gedichten Archieven - Schriever Roelof Keen.
  • Rooibossie (fantasie Drents / Zuud Afrikaans)

    Rooibossie

    Rooibossie wou baje graag
    nie morn mar vandaag
    uit Suit Africa gaan
    wijd weg naar Euroop
    oer die groot oséjaan.

    Sien boottie die was er
    so oud en so brak
    was ook nie so groo nie
    d’r was ja gien dak nie
    bij storm brak die bootie
    sonk weg in die see
    Rooibossie los op
    as die blad in die thee

  • Overliedensbericht.

    heden is overleden, de heer G. Wilderman
    met ’n scharp mes is e vild
    in veer stukken ’t water in tild
    ze hakten G. Wilderman
    zeg maar,
    letterlijk in de pan.

    we herdenkt hum, de heer G. Wilderman
    niet vies van wien, port en veural veul suker
    was za ‘k maor zeggen, een grootverbruker
    heer G. Wilderman in je donkergrune bloes
    je geur zal nog lang blieven hangen
    in mienig Drents hoes

    anwezigen,
    de heer G. Wilderman is niet meer
    laot we hum herdenken
    as een toffe peer.

     

     

    S. Karremans                                         oktober 2014

  • Struusvogelpolitiek

    in Emmen veur de Hema
    tröf ik lest een vriendin
    ze had een neie bokse kocht
    al was ’t heur niet naor ’t zin

    twee maoten meer  kwam oet heur mond
    boven dikke ronde underkin
    zee, boks van veurig veurjaor
    krieg ik de kont dus niet meer in

    ik snap niet waor ‘k zo dik van wordt
    sprak zij oet volle ronde borst
    en nam een hiele grote hap
    van Hema’s warme worst

     

    S. Karremans                                                         juli 2014

  • Allerliefste

    allerliefste

    alles, alles, warkelijk alles
    doe ik veur mien allerliefste
    um mien liefde te bewiezen

    de allerhoogste bargen van de wereld
    beklim ik veur mien allerliefste
    um mien liefde te bewiezen

    deur de diepste rivieren van de wereld
    zwem ik veur mien allerliefste
    um mien liefde te bewiezen

    de hietste woestijnen van de wereld
    deurkruus ik veur mien allerliefste
    um mien liefde te bewiezen

    waorum blef liefde onvoltooid
    waorum vraog ik mien hartedief
    waorum heb ik mien kaans vergooit

    ze sprak jij bint mij te actief
    en daordeur bi’j der ok haost nooit

  • Ach Martine

    Ach Martine

    ik bin der even dik an toe
    een dag of tiene lekker zunnen
    in Spanje een hotellegie vunden
    all-inclusive, gien gedoe

    um mij toe veul Nederlanders
    weg veur een paor centen
    de helft bint dus ok Drenten
    niet hoopt maor ‘t is niet anders

    ien medegast met chique stijl
    um te zien een schiere vrouw
    bekend a’k heur ies goed anschouw
    ach ja… het is Martine Bijl

    ien zin die mij sindsdien aal pakt
    in Neerlands escapade
    met factor twaalf as marinade
    echt waor: Hiel Holland bakt!

  • Retropop 2015

    het weer dat was nou niet echt top
    toch waren alle kaorten verkocht
    aspirant bejaorden bint verknocht
    an artiesten van toen, bij Retropop

    het was dit jaor een dolle boel
    met Rob de Nijs, de “Time Bandits”
    “Clousseau”, “van dik hout” en “The Nits”
    ok Henk en Henk van “Het goede doel”

    as hoogtepunt iets ongewoons
    hij zung al in de tieden van hippies
    kreeg toen hiel vaak wichter-slippies
    dat zat wal snor met “Sir” Tom Jones

    Tom hef zuchzölf weer overstegen
    zien stem die is nog goed van klank
    en van ’t publiek, as bliek van dank
    verscheidende “Tena Lady’s” kregen

     

    retropop

     

    S. Karremans                                                         juni 2015

  • Pluk de dag

    het leven is kört zo wordt er zegd
    en die ’t zegt die hebt geliek
    kört leden nog een jonge god
    maor as ik ’s mörgens in spiegel kiek

    zie ik een man met rimpels
    wat voller in ’t gezicht
    ik kom er niet meer underoet
    te kört veur mien gewicht

    ik doe nog wat ik doen wil
    heb ’n vrouw die um mij gef
    maor as ik ’s mörgens in spiegel kiek
    krieg ik opiens ’t besef

    a’k dommies  in ’t bejaordenhoes
    vertellen wil van toen
    zeg evenbeeld in spiegel
    moej nou wal mooie dingen doen

     

    S. Karremans                                                 juli 2014

  • Ode an de vrouw

    God dacht
    nao ’t scheppen van hemel en aarde
    dat was mij toch een hels karwei
    deed er op de zesde dag
    een mannelijk mèens as schepsel bij

    daornao kwam Eva,
    die hij veur het lest bewaarde
    vrouwelijk, nakend,
    zeker niet pervers

    God dacht eigenlijk hiel gewoon
    elke taort verdient een kers

     

    S. Karremans                                                 april 2015

  • Depressie

    Regen, regen en nog ies regen.
    Het regent al dagen aan ien stuk.
    Mien vrouw is hielemaol van slag.
    Mistroostig  tuurt ze deur het raom.
    As het zo wieder giet, moe ‘k heur,
    toch maor ies binnenlaoten.

     

    S. Karremans                                                december 2013